8 едноставни начини за брзо заспивање

Не знаете точно зошто, но секоја ноќ имате потешкотии при заспивањето. Ако започнете некој од следниве ритуали пред спиење, тоа во голема мера може да ви помогне побрзо да стигнете до сонот.

Топлата вода ги релаксира мускулите и за нијанса ја подигнува телесната температура. Кога ќе излезете од бањата, температурата полека ќе започне да се снижува, следејќи го нормалниот процес на телото со кој се поттикнува излачувањето мелатонин.

Класичниот лек за несоница има и научна основа. Јаглехидратите во корнфлејксот се апсорбираат многу брзо и го зголемуваат нивотот на триптофан, со што се подигнува и нивото на хемикалијата во мозокот што е клучна за заспивање – серотонин. Воедно, млекото содржи мелатонин, кој е уште познат и како хормон за спиење.

Спиењето е поудобно во постудена соба. Но, не треба да биде ниту премногу студено. Затоа, експериментирајте додека ја пронајдете совршената температура.

Премногу алкохол може да го наруши нормалниот циклус на спиење, но сокот од вишни практично претставува коктел со мелатонин. За да извлечете најмногу од овој сок, пијте 2 супени лажици концентриран сок од вишни измешани со една чаша вода, два пати во денот.

Наједноставната техника: Легнете во кревет, исклучете го светлото и земете длабок здив, држејќи го додека изброите до 4. Повторувајте додека се почувствувате релаксирано.

Покрај триптофан, семките од тиква содржат цинк, кој помага триптофанот да се претвори во серотонин.

Кога не можете да заспиете, излезете од спалната соба. Можеби звучи чудно, но кога страдате од несоница, времето поминато подалеку од креветот може да ви помогне да го нормализирате циклусот на спиење.

За време на вечерата, внесете јаглехидрати преку едноставен прилог: бел ориз, тестенини или компири. Ова е одличен начин да се зголеми нивото на триптофан, а со тоа и на серотонин и мелатонин.