8 навики на добрите спијачи

Веќе е општо познато дека осум часа сон секоја ноќ е основа за оптимално функционирање на телото. Но, дел од нас имаат проблем со заспивањето, останувањето заспани, несоница итн. За најлесно да се справите со овие и слични проблеми, најдобро е да ги следите навиките на добрите спијачи.

1. Не јадете непосредно пред спиење

Ако јадете непосредно пред спиење, може да се случи да се разбудите во текот на ноќта, за да одите во тоалет или уште полошо, да ви се јават мачнини во желудникот, што често можат да ве држат будни до утрото.

2. Не спијте предолго за време на викендот

Иако можеби звучи нелогично на прв поглед, спиењето сепак може да ви го наруши спиењето. Вашето тело се навикнува на рутини, па оттаму, редовното спиење во идентични или слични интервали е неопходно за добар сон.

3. Прочитајте добра книга

За луѓето кои имаат хронични проблеми со заспивањето, читањето книга што ќе ве смири може во голема мера да помогне при заспивањето.

4. Ослободете се од дигиталните гаџети

Отсјајот од компјутерските монитори, од телефонските дисплеи и сите други гаџети кои ги користите, го стимулираат мозокот и ве присилуваат да останете будни.

5. Прескокнете ја чашата вино

Можеби имате впечаток дека чаша вино пред спиење ќе ви помогне да се опуштите и да заспиете, но всушност, тоа има контраефект, затоа што ги нарушува фазите на спиење и може да предизвика будење или немирно спиење и превртување во текот на ноќта.

6. Ограничете го кофеинот

Пијалаците, како што се кафе, чај или газирани сокови, па дури и десерти со чоколадо, можат да содржат високи количини кофеин кој ќе ве држи будни. Оваа супстанца е корисна наутро, но избегнувајте да ја внесувате најмалку 6 до 7 часа пред спиење.

7. Вежбајте порано

Вежбањето ја покачува телесната температура и го подигнува нивото на енергија. Овие две нешта можат да го нарушат циклусот на спиење, затоа избегнувајте вежбање барем неколку часа пред спиење.

8. Имајте секс

Иако сексот може да ве задржи будни подолго од планираното, хемикалијата што се ослободува по оргазмот (окситоцин) ќе ви помогне да спиете како бебе.