8 совети за повеќе енергија во текот на денот

Ако често се соочувате со недостиг од енергија во текот на денот, последно нешто што треба да направите е да посегнете по енергетски пијалак. Наместо тоа, направете неколку едноставни промени во навиките.  

1. Отворете ги ролетните

Утринскиот наплив на светлина испраќа сигнал до мозокот да го разбуди внатрешниот часовник.

2. Осветлете си го и ручекот

Попладневното седење крај прозорец осветлен од сончева светлина приближно 30 минути, го освежува и разбудува мозокот.

3. Редовно пијте вода

Самото пристигнување до точката кога почнувате да чувствувате жед (2,6 проценти пад на нивото на течност во организмот) може двојно да го зголеми чувството на замор.

4. Стиснете си ја раката или потчукнете си ја главата

Можеби Ви звучи лудо, но акупресурата ги зголемува концентрацијата и будноста. Чукнете со свитканите прсти на врвот од черепот неколку пати, притиснете го просторот помеѓу палецот и показалецот или пак измасирајте го темето.

5. Помалку масти за ручек

Поголемиот процент масти во ручекот може значително да Ви го влоши расположението и да го зголеми заморот. Наместо вообичаениот ручек, нарачајте печено пилешко месо и салата.

6. Направете пауза за чај

Сите видови чај ја содржат аминокиселината Л-теанин, што придонесува за зголемувањето на концентрацијата и чувството на будност.

7. Дремнете на брзина

Кусите дремки во коишто едвај заспивате, можат да ги зголемат работните перформанси и до 34 проценти - било заклучено во едно истражување на НАСА. 

8. Измијте го лицето

Ако дремката не помогне и сè уште се чувствувате уморно, отидете до тоалетот и измијте си го лицето со студена вода.