Како да се храните здраво а ефтино

Ќе се согласите дека здравата храна најчесто е многу поскапа, но, исто така точно е и дека можете да се храните здраво без значително да ги зголемите трошоците. Прочитајте како.

Јадете сезонски производи

Кајсиите и јагодите се многу поскапи зимно време едноставно затоа што тогаш не им е сезона! Сезонските производи се секогаш достапни од различни произведувачи, па затоа се и поевтини.

Купувајте замрзнат зеленчук

Многумина нема да се согласат дека ова е најздрава опција, меѓутоа треба да знаете дека зеленчукот кој е наменет за замрзнување се бере во моментот кога идеално зрел и веднаш се замрзнува, па затоа ги задржува најголем дел од витамините и хранливите материи. И секако, замрзнатиот зеленчук е поевтин од свежиот.

Купувајте овошје кое нема убав изглед

Во некои продавници има специјални полици со овошје кое се продава по поевтина цена само затоа што не е “убаво на изглед“, но е исто толку вкусно и ги содржи истите хранливи состојки како и она овошје кое има совршен изглед.

Јадете зрнеста храна

Конзервираната зрнеста храна е многу евтина во продавниците, а истовремено е одличен избор затоа што има протеини и железо…

Купувајте други супер состојки кои и не се толку скапи

Листата за такви состојки е бесконечна: кељ, леќа, туна, јаболка, моркови зелка, јајца, банани, портокали...

Барајте специјални понуди

Сега, дури и основните состојки, како што се лебот, млекото, јајцата, месото, овошјето и зеленчукот, секојдневно се нудат со најразлични понуди. Па затоа, купувајте паметно и проверувајте ги цените во различни маркети и пазари.

Јадете овесни снегулки за појадок

Овесните снегулки се многу поевтини од останатите состојки кој најчесто се јадат за појадок, а сепак се неверојатно хранливи и се одлични за почеток на денот.

Купувајте јатки во големи пакувања

Јатките се полни со хранливи состојки и нивното производство бара многу труд, па затоа се и многу скапи. Сепак, не ги отфрлајте од вашето секојдневно мени; купувајте ги во големи пакувања и така ќе заштедите.

Не купувајте исклучиво органската храна

Органската храна е одличен избор затоа што не содржи пестициди и други штетни состојки, па затоа е и многу скапа. Одберете здрави и хранливи состојки кои и не мора секогаш да се од органско производство.

Направете си домашна градина

Најдобар избор за здрава храна е сами да си ги одгледувате состојките. Ова е и најевтин избор. Одгледувајте овошје и зеленчук кои се омилена во вашето семејство.

Додадете протеински шејкови во исхраната

Протеинскиот шејк е секако поевтина опција од протеински оброк, а сепак го снабдува вашето тело со она што му е потребно.

Купувајте небрендирани производи

Големите производители своите производи ги пласираат на пазарот по многу по високи цени од оние кои не се познати, а се со ист квалитет. Заштедете!