Препорачани производи
Начинот на кој ќе го започнете денот во голема мера одредува како денот ќе ви тече. За да имате доволно енергија и насмевка на лицето до вечерта, прочитајте како совршено да го започнете денот.
Начинот на кој ќе го започнете денот во голема мера одредува како денот ќе ви тече. За да имате доволно енергија и насмевка на лицето до вечерта, прочитајте како совршено да го започнете денот.
Можеби звучи смешно, но луѓето се многу подложни на автосугестија, особено кога станува збор за позитивно размислување. Доколку одвоите неколку минути наутро за присетување на своите постигнувања, остварени желби и исполнети цели, можете да бидете сигурни дека во текот на денот ќе бидете исполнети со позитивна енергија.
Дали сте еден од оние луѓе што го вклучуваат телевизорот веднаш штом ќе се разбудат? Дали фактот што и новинарите од утринските емисии се будат толку рано ви претставува утеха? Звукот од телевизорот можеби ви обезбедува одредено чувство на сигурност, но во исто време, тој бргу ќе ви го одвлече вниманието и ќе направи да мислите на неважни и често негативни нешта.
Дали звукот од алармот ве ужаснува? Обидете се да се будите на поприроден начин. Штом ќе се појават првите сончеви зраци, телото знае дека е време за будење – но тоа не е возможно ако не му дозволите на сонцето да навлезе во спалната соба. Затоа, ако сте во можност, спалната соба поставете ја на источната страна, тргнете ги завесите и разбудете се природно.
Можеби звучи здодевно, но појадокот навистина е најважниот оброк во текот на денот. Но и покрај тоа, многу често ни се случува да излеземе од дома со празен желудник. Тоа значително влијае на вашето расположение, продуктивноста, но и здравјето. Затоа, одвојте време за квалитетен појадок, за да имате енергија во текот на целиот ден.
Сите знаеме дека вежбањето позитивно влијае на повеќе аспекти од нашите животи, но ретко кој го прави тоа наутро. Можеби на почетокот ќе ви се чини дека своеволно се измачувате, но потоа дефинитивно ќе забележите дека се чувствувате многу подобро, благодарение на утринската физичка активност.
Бидете искрени – има ли нешто што може да ве орасположи повеќе од сексот? Игрите во спалната соба, рано наутро се најдобар пример за поговорката – две муви, со еден удар. Во исто време ќе се освежите и ќе го активирате телото, а како бонус ќе поминете квалитетно време со партнерот. Потребна ли е уште некоја причина за да се разбудите малку порано?
