Како најлесно до подобар сон

Голем дел од луѓето со стареењето спијат сè полошо и полошо. Ако покрај тоа уште и минувате низ менопауза, можете да ги придодадете ноќните напливи на студена пот кои сигурно ќе Ве разбудат среде ноќта и ќе Ви го уништат сонот. Спротиставете се на ефектите од стареењето со овие проверени стратегии.

Создадете си редовен распоред

Ако имате проблеми со спиењето и со часови се превртувате в кревет, тоа значи дека нешто треба да смените, бидејќи циклусот на спиење е сериозно нарушен. Ресетирајте го внатрешниот часовник со тоа што ќе си легнувате во исто време и ќе се будите во исто време секое утро, без исклучоци.

Ограничете го внесот на кофеион попладне

На кофеинот му се потребни околу 6 часа за целосно да се метаболизира. Доколку сте еден од луѓето кои не можат да заспијат поради кафето, тогаш последното кафе испијте го некаде околу пладне. На тој начин до времето за легнување сиот кофеин ќе помине низ Вашиот систем.

Погодете ја вистинската температура

Еден од клучните фактори за добар сон е контролата на температурата во спалната соба. Таму не треба да биде ни премногу топло ни премногу студено. Оптималната температура за спиење е 20 степени, но таа може да варира за некој степен, во зависност од Вашиот организам.

Наутро, пуштете го сонцето во спалната соба

Штом ќе се разбудите, отворете ги ролетните. Светлината му дава знак на мозокот дека е време за будење и што е уште подобро, значително ја зголемува концентрацијата. Ако сакате да имате продуктивен ден, не плашете се од сонцето, туку впијте ги неговите зраци.

Вежбајте наутро или напладне

Редовното вежбање е нешто што ќе Ви го подобри спиењето, но доколку вежбате премногу блиску до времето за легнување, можно е да имате потешкотии при заспивањето, поради забрзаниот метаболизам. Затоа е најдобро да вежбате наутро или околу пладне, за телото да има време да се врати во нормала. До вечерта ќе бидете целосно изморени и ќе заспиете без никаков проблем.