Проблеми на училиштe? Овие 4 совети ќе ви помогнат

Дали вашите деца имаат проблеми на училиште? Дали се трудат да се на исто ниво со нивните соученици, a тоа потешко им успева? Прво нешто што треба да направите е да прифатите дека не е срамно доколку вашето дете има проблеми. Можеби овие совети ќе ви помогнат да се подобри и зголеми нивниот успех......

Хранлив појадок со житарици, јогурт и шумско овошје

Појадокот е најважниот оброк во денот, посебно за оние кои имаат ден исполнет со интелектуални предизвици -  на пример вашето дете кое оди на училиште. Многу истражувања покажале дека:

• Децата кои појадуваат постигнуваат повеќе, за разлика од оние кое не појадуваат;
• Децата кои јадат хранлив појадок, постигнуваат и успеваат повеќе за разлика од оние деца кои јадат обичен појадок;
• Децата кои јадат појадок богат со калциум се посконцентрирани и побрзо учат;
• Нестабилното ниво на шеќер во крвта (кое настанува и поради пропуштањето на појадокот) може сериозно да му наштети на некој кој е академски граѓанин.

Зошто житарици, млечни производи и овошје?

Житариците, посебно оние од цело зрно, се одличен избор за мозокот на вашето дете, бидејќи содржат многу влакна и витамини – кои се важни за нормално функционирање на мозокот, како и за оптималната работа на мозокот.

Млечните производи содржат калциум, кој е познат дека помага за функционирањето на мозокот, а овошјето содржи многу витамини и минерали кои помагаат за подобрување на меморијата и концентрацијата. За совршен појадок, дадете му на вашето дете чинија со житарици од цело зрно, додадете малку млеко или јогурт и додадете шумско овошје богато со антиоксиданти. Најважниот оброк во денот заокружете го со свежо исцеден сок од портокал...

Брза овошна ужинка за зголемување на работата на мозокот

За клуч до добри резултати на училиште, исто така се сметаат редовните оброци, бидејќи мозокот не може целосно да функционира во текот на неколку часа без да има поддршка. Децата кои ја прескокнуваат нивната попладневна ужинка (или пак јадат нездрава ужинка) најверојатно:

• Имаат помали шанси да следат што ќе се случува во останатиот дел од денот и
• Имаат поголеми шанси да бидат уморни, поспани и незаинтересирани.

Ова се причините поради кои е важно да им понудите и обезбедите ужинка која ќе им ја обнови енергијата.

Овошна мешавина која ќе ги задоволи сите нивни потреби

Според голем број нутриционисти овошните ужинки се одличен избор за децата ефикасно да можат да функционираат во преостанатиот дел од денот, бидејќи му даваат на телото сè што му треба за да може да издржи до наредниот оброк. Овошјето содржи голем број витамини и минерали, антиоксиданти и можеби најважното- содржи многу течности кои го хидрираат телото. Банани, јаболка, шумско овошје, авокадо и портокали се одличен избор. Најдобрата опција е во текот на неделата постојано да им давате различно овошје, за на вашите деца да не им стане здодевно постојано да јаде исто овошје.

Ручек богат со протеини и зеленчук

Откако имале напорен ден на училиште, мозокот на вашето дете има потреба од вкусен ручек богат со хранливи состојки, кој ќе ги засити и ќе ги наполни со енергија и ќе му овозможи ефикасно да ги складира информациите кои ги чул во текот на денот. Која храна е најдобар избор за ручек?

Чисти протеини и зеленчук за поддршка на мозокот

• Чистото месо, како што се белото пилешко или мисиркино месо, му даваат поддршка на мозокот, а истовремено не го оптоваруваат организмот со голема количина на масти.  Зеленчукот е одличен додаток за секој оброк со месо -  не само затоа што одлично одговараат со месото туку и ефикасно ги заштитуваат мозочните клетки и го хранат со витамини, минерали и антиоксиданти.
• Зелениот лисест зеленчук е најдобар а исто така може да го измешате со зеленчук во боја како што се доматите, морковите, тиквите, и црвената зелка за да создадете вкусен ручек кој вашите деца ќе го обожаваат.

Лесна, но хранлива вечера со зеленчук и јаткасти плодови

Квалитетниот сон е важен фактор за успехот на вашето дете на училиште, па затоа многу е важно да не го оптоварувате нивниот дигестивен систем во текот на ноќта, со тоа што ќе јадат големи оброци полни со масти, а истовремено треба и да им дадете оброци кои ќе го поттикнат растот на мозочните клетки за време на сонот. Сите производи кои го овозможуваат тоа може да се искомбинираат во еден вкусен оброк.

Салата со јаткасти плодови и месо

Зелените лисести растенија најчесто се најдобриот избор за основата на вашата салата која ќе го потхрани вашиот мозок, а можете да додадете и други зеленчуци  за да ја направите уште похранлива: мешункасти растенија, компири, моркови, домати или  омилениот зеленчук на вашето дете. Додадете јаткасти плодови и неколку парчиња печено пилешко месо, туна или лосос и ќе добиете вкусна вечера, која ќе совршено ќе го украси крајот на денот на вашето дете.