Препорачани производи
Замислете јадења кои се вкусни, хранливи и истовремено добри за вашето тело. Според неколку истражувања ние одвоивме 10 видови на храна кои се сметаат за најздрави.
Јаболкото е одличен извор на антиоксиданси клучни во борбата против слободните радикали кои ги уништуваат оние субстанци во телото кои се причинители на несакани промени и се вклучени во процесот на стареење и развој на некои болести.
Бадемите се богати со железо, калциум, витамин Е, влакна, рибофлавин и магнезиум. Тие го регулираат нивото на холестерол во организмот и содржат највисоко ниво на влакна од сите јаткасти плодови.
Oвој вид на зеленчук е богат со влакна, фолна киселина, калиум, калциум и фитокомпоненти. Фитокомпонентите се состојки кои значително го намалуваат ризикот од развој на болести на срцето, дијабетес и некои видови на рак. Брокулата содржи и бета-каротин и витамин Ц. Се препорачува брокулата да се готви на пареа за да ги задржи сите хранливи материи.
Боровинките се богати со фитокомпоненти, антиоксиданси и влакна. Согласно некои истражување, постарите луѓе кои секојдневно јадат боровинки (и јагоди) имаат помал ризик да заболат од некое когнитивно заболување од другите на нивна возраст. Ова овошје дополнително содржи и антоцијани кои се многу важни за регулирање на високиот крвен притисок. Конзумирањето на боровинки ви помага во одржувањето на тежината.
Во овој вид на риба е вклучена пастрмката, лососот, харингата, сардината и скушата. Тие имаат масни наслаги во ткивото и околу стомакот. Нивните филети содржат витамини А и Д како и 30% омега 3 масни киселини. Овие масни киселини се корисни за срцето и за нервниот систем.
Студиите спореведни на светските универзитети докажуваат дека зеленчукот со темно-зелени листови, како што е спанаќот или зелката, го намалуваат ризикот од дијабетис 2. Спанаќот, на пример, е богат со антиоксидански, особено кога е сиров или зготвен на пареа. Тој е одличен извор на витамини А, Б6, Ц, Е и К, како и на селен, цинк, фолна киселина, калциум, фосфор и железо.
Благиот компир содржи бета каротин, јаглехидрати, витамин Ц и Б6 како и диетални влакна.
Пченичните никулци се богати со неколку важни хранливи материи како што се витаминот Е, фолната киселина, цинкот, магнезиумот, фосфорот и масните киселини.
Многумина го избегнуваат авокадото бидејќи има висока концентрација на масти, но тоа е голема грешка. Приближно 75% од калориите во авокадото доаѓаат од главно од незаситени масти. Дополнително ова овошје е богато и со витамини Б, К и Е.
Секојдневното конзумирање на овесната каша го намалува нивото на холестерол во организмот првенствено затоа што овесот е богат со влакна и јагленохидрати. Ова јадење, исто така, го снабдува вашиот организам и со потребното количество на витамин Б, омега 3 масни киселини, фолна киселина и калиум.
